ЖАНЫБАРЛАРДЫН ИНФЕКЦИЯЛЫК ЖАНА ИНВАЗИЯЛЫК ЫЛАҢДАРЫ КАФЕДРАСЫ
1
Профессор
7
Доцент
3
Ассистент
1
Лаборант
Кафедранын миссиясы жана тарыхы
Кафедранын миссиясы – 610001–“Ветеринария” адистиги боюнча жогорку квалификациялуу кесипкөйлөрдү даярдоо.
Учурда кафедрада 300 ашык студенттер билим алышат, аларга окуу процессин жогорку квалификацияга ээ болушкан 11 адис ишке ашырат. Окуу процессесиндеги лекцияларды жана лаборатордук-практикалык сабактарды өткөрүү үчүн, кафедрада талапка ылайык келген заманбап техникалар менен жабдыктар аркылуу камсыздалган материалдык-техникалык базасы бар.
Жаныбарлардын жугуштуу жана инвазиялык ылаңдары кафедрасы 1936–жылы уюшулган жана ал мезгилде “Эпизоотология кафедрасы” деп аталчу. Алгач 1936 – 1938–жылдары кафедраны ветеринария илимдеринин кандидаты, доцент Гайнуллин Т. Г. жетектеген. 1940 – 1960–жылдары кафедрада СССР–дин борбордук Жогорку окуу жайларынан келишкен атактуу окумуштуулары эмгектенишкен.
1938 – 1981–жылдары кафедра башында Кыргыз ССР–нин илимине эмгеги сиңген ишмер, ветеринария илимдеринин доктору, профессор Анастасьян С. Н. турду. Ал республикада биринчилерден болуп жылкылардын инфекциялык энцефаломиелитин жана эпизоотиялык лимфангоитин диагностикалаган. Анын жетекчилиги алдында Половников В.Т., Сукеев Ш.С., Аничков А. Н. жана Бучнев М. И. кандидаттык диссертацияларын жакташкан.
1970–жылдагы жогорку окуу жайынын программасынын реорганизациясынын негизинде, эпизоотология кафедрасына алгач микробиология жана вирусология, андан соң паразитология сабактары бириктирилди.
1982 – 1993–жылдары кафедраны белгилүү энтомолог, ветеринария илимдеринин доктору, профессор Камарли А. П. жетектеди. Анын жетекчилиги астында Исраилов А. А. кандидаттык диссертациясын жактады.
1993 – 2013–жылдары кафедраны Кыргыз республикасынын айыл чарбасына эмгеги сиңген ишмер, ветеринария илимдеринин доктору, профессор Раимбеков Д. Р. башкарды. Анын жетекчилиги астында кандидаттык диссертацияларын Келдибекова З. С. (2001), Карыпов К. А. (2002) жана Джумалиева М. А. (2015) жакташты. Ал эми, кафедранын аспиранты Чолжиев А. К. 2006–жылы Германиянын Гиссин университетинде ветеринардык медицинанын доктору болду.
Кийинки жылдарда кафедранын башында доцент Карыпов К. А. (2013–2017) жана доцент Джетигенов Э. А. (2017–2021) турушту. 2021–жылдан азыркы учурга чейин кафедраны в. и. к., доцент Карыпов К. А. жетектейт.
Кыргыз Республикасынын УИА Академиги, КР мамлекеттик сыйлыгынын лауреаты, КР илимине эмгек сиңирген ишмер, ветеринария илимдеринин доктору, профессор Нургазиев Р. З. кафедрада 1989 – 2002–жылдар аралыгында эмгектенди. Ушул жылдары, анын жетекчилиги астында кандидаттык диссертацияларын Биримкулова А. Т. (1996), Зиядинов И. (2003) жана Усубалиев А. К. (2003) жакташты.
Даярдоо багыты жана адистиктери
- Диагоностикалык лабораториялардагы биологиялык коопсуздук жана уюштуруу иштери.
Максаты: лабораторияларда жана эпидемиологиялык очоктордо биологиялык коопсуздукту сактоо менен иштей алышкан кесипкөйлөрдү даярдоо.
- Инфекциялык ылаңдарды лаборатордук диагностикалоо.
Максаты: инфекциялык ылаңдарды диагностикалоочу кесипкөйлөрдү даярдоо.
- Инвазиялык ылаңдарды лаборатордук диагностикалоо.
Максаты: инвазиялык ылаңдарды диагностикалоочу кесипкөйлөрдү даярдоо.
- Балыктардын, аарылардын жана майда жандыктардын жугуштуу ылаңдары.
Цель: балыктардын, аарылардын, мышыктардын, иттердин ж. б. инфекциялык ылаңдары боюнча кесипкөйлөрдү даярдоо.
- Кафедрада заманбап молекулярдык-биологиялык лаборатория жана эл аралык стандарттарга ылайыктуу тиешелүү лаборатордук диагностикалык изилдөөлөрдү камсыз кылуучу квалификациялуу адистер бар.
- Акыркы жылдары, лабораторияда чет өлкөлүк өнөктөштөрдүн жана мамлекеттик заказдын колдоосу менен жаныбарлардын инфекциялык ылаңдарына мониторинг жүргүзүү боюнча изилдөөлөр ишке ашырылууда.
- Ага-Хан фондунун көмөгү менен, Кыргызстанда биринчи жолу лабораториянын кызматкерлери молекулярдык-биологиялык изилдөөлөрдү колдонуп, өлкөнүн түштүгүндө эчкинин контагиоздуу плевропневмониясын аныктады.
Доцент Карыпов К. А.:
- ветеринардык микробиология жана микология боюнча (Москва шаарындагы ветеринардык акдамия, ноябрь 2016-жыл);
- эпидемиологиядан (Франциянын Тулуза шаарындагы ветеринардык жогорку мектеп, 2017-жыл).
Доцент Джетигенов Э. А.:
- февраль 2017-жыл Россиянын Липецк шаары. “Потенциал современной науки” аттуу темадагы ХХХ-чу Эл аралык илимий конференцияда катышкан;
- март 2017-жыл Россия Федерациясы Москва шаары (МСХА). Эл аралык илимий-практикалык конференциядагы студенттердин жасашкан докладдарын жетектеген;
- апрель 2017-жыл Казак Улуттук агрардык университети.
Улук окутуучу Арзиев К. А.:
- ПЦР анализи боюнча (Россия Федерациясынын Москва шаарындагы ЦНМВЛ, 2017-жыл).;
Доцент Майгулакова Л. Т.
- Балык уулоо жана аквакультура боюнча (Финляндия, 2021).
Улук окутуучу Арзиев К. А.:
- ПЦР анализи боюнча (Россия Федерациясынын Москва шаарындагы ЦНМВЛ, 2017-жыл).;
- Чыгыш Финляндия университетиндеги академиялык мобилдүүлүк боюнча (2019-жыл).
Доц. Майгулакова Л.Т. жетекчилиги астында 2016-жылы 5 курстун студенти Мелис у. Б. “Санитарно-микробиологические показатели национального мясного продукта” атту темада дипломдук ишти аткарды. 2015-жылы 2 курстун студенти Токтаналиев Н.Т. (жетекчиси – доц. Джетигенов Э. А.) Россиянын борбор шаары Москвада өткөн эл аралык илимий-практикалык студенттик конференцияда катышты. 2017-жылы доцент Джетигенов Э. А. тарабынан 3 курстун студенттери Айтбаев А., Тургунбекова А., Анварбек у. А. Россиянын Москва шаарында өткөн 70-чи илимий-практикалык конференциясына даярдалды. Жыйынтыгында, Тургунбекова А. 3 даражадагы дипломго ээ болду.
КАФЕДРАНЫН КУРАМЫ
Кельдибекова Замира Садыбакасовна
Ветеринария илимдеринин кандидаты, доценттин м. а.
E-mail:zkeldibekova@gmail.com
Раимбеков Доктурбек Раимбекович
Ветеринария илимдеринин доктору, профессор
Майгулакова Лидия Тоялыевна
Кылычбеков Дулат Сеитбекович
Джетигенов Элмурат Алсеитович
E-mail:agetigen@mail.ru
Карыпов Кубанычбек Асанкулович
E-mail: karypov1972@mail.ru
Орозов Жайлообек Чоконович
Чегиров Саламат Биримкулович
E-mail:ch_salamat15@mail.ru
Атабекова Нурзина Сагынбаевна
E-mail:atbn.7@mail.ru
Бердикулов Атабек Мусабекович
E-mail: berdikulov1996@list.ru
Камчибеков Бексултан Камчибекович
E-mail:kamchibekovb@mail.ru